TE PERBALLOSH PEZMIN E RENDE

Nga: Rick Warren

MANNA E SE HENES

Sherbim per Komunitetin e Krishtere

Shtator 28, 2009

Shalom Media

Pergjithesisht sejcili nga ne ndjehet i afte t’i dale per zot vetes se vet. Kur na del ndonje problem, ne bejme gjithshka qe eshte e mundur per ta zgjidhur ate sa me mire dhe vetem pastaj ndjehemi rehat. Por cfare ndodh kur, megjithe perpjekjet tona maksimale, problemi nuk zgjidhet? Shpesh i drejtohemi asaj qe shprehet me fjalet “Kur gjithshka deshton, atehere fillo e lutu”. Por cfare ndodh edhe kur lutjet nuk marrin pergjigje?

Ne rast se ndihesh i pezmatuar per shkak se Zoti vonon ne dhenien e pergjigjeve, atehere ki parasysh se vonesa nuk do te thote harrese. Fakti se mrekullia ende nuk po ndodh, nuk do te thote se Zoti nuk ka nder mend te te pergjigjet, ose se Ai te ka harruar, ose se Ai nuk do t’ja dije per ty. Do te thote, thjesht, “ende!”

Pjekuri shpirterore do te thote te njohesh ndryshimin midis “Jo” dhe “Ende jo” – ndryshimin midis mohimit dhe voneses. Bibla na thote: “Ai qe duhet te vije do te vije dhe nuk do te vonoje.” (Hebrejve 10:37).

Vonesa mund te jete nje sprove per durimin tend. Gjithkush e ka aftesine qe te tregoje durim nje ose dy here, madje edhe tri here. Prandaj Zoti vendos qe te vere disa here ne prove durimin tend deri sa ti te fillosh ta humbasesh ate.

Po pse e ben Ai kete? Qe te zbuloje se sa i durueshem je? Jo, kete Ai e di. Ai ta vonon pergjigjen qe ti vete ta kuptosh vete se sa i padurimshem je. Ne kete menyre ti do te zbulosh se cfare ndodh brenda teje dhe se cili eshte niveli yt i perkushtimit. Zoti ve ne sprove durimin tend qe ti te ndergjegjesohesh per faktin se Ai e mban fjalen pavaresisht se pergjigjet qe pret po vonojne.

Ne rast se je pezmatuar, atehere shnderroje ne te kunderten e vet kete emocion negativ duke kujtuar qe Zoti te meson te durosh gjate kohes se pritjes. Kerkoji Atij qe pezmin te ta shnderroje ne durim.

Ndoshta ti je duke kaluar kohe te veshtira dhe nuk te ze vendi. Ke pezm te rende per shkak se situata ne pune, ne shtepi, ne anen financiare ose shendetesore duket e pa menaxhueshme, e pa logjikeshme ose edhe e padrejte. Ajo te duket krejt e padurueshme dhe te shtyn qe brenda vetes te mendosh “ O Zot, nuk duroj dot me. Nuk mbaj me!”

Por ti mban qe c’ke me te!

Ti mund te perballosh me tej peshen e situates sepse me ty eshte Zoti. Ne rast se beson dhe mbeshtetesh tek Zoti, Ai te jep forcen qe te kembengulesh. Mbaj parasysh se quhesh i deshtuar vetem atehere kur e ke humbur durimin, pra te eshte tronditur besimi tek Zoti.

Mos u dorezo. Qendroi fort pezmatimit dhe coje deri ne fund sfiden me te cilen Zoti po te ballafaqon.

Ne Bibel thuhet, “Sepse ju keni nevoje per ngulmim qe, mbasi te beni vullnetin e Perendise, te merrni gjerat e premtuara. Edhe fort pak kohe, edhe ai qe duhet te vije, do te vije, dhe nuk do te vonoje” (Hebrejve 10:36-37).

Reflektim/Diskutim Pyetje

1. Kur je ndjere teper i merzitur se fundmi? A ke aktualisht ndonje problem teper shqetesues? Shpjegoje kete situate dhe menyren se si e ke perballuar.
2. Cili eshte reagimi yt tipik ndaj atyre situatave te veshtira qe te bejne te humbasesh vendosmerine? P.sh. ne qofte se ke probleme te renda financiare ose ne marredheniet e punes, si reagon zakonisht?
3. Ne kohe veshtiresish a gjen prehje tek lutja? Pse, ose pse jo?
4. Kur lutesh dhe kerkon ndihmen e Zotit per te perballuar me sukses situata te veshtira, si ndjehesh pastaj kur lutjet duken sikur nuk te jane degjuar dhe nuk marrin pergjigje? A e miraton ate qe thote Dr. Warren se pikerisht keto jane momentet qe Zoti i shfrytezon per te te kalitur durimin dhe besimin tek Ai? Shpjegoje pergjigjen sa me gjere.

SHENIM: Ne Bibel ka edhe pasazhe te tjera qe lidhen me kete teme si p.sh.:

Isaia 40:31, 41:10; Jeremia 29:11-13, 33:3; Lluka 11:9-13; Jakobi 1:2-4

MENDJELEHTESIA NE INVESTIME

Nga: Rick Boxx

MANNA E SE HENES
Sherbim per Komunitetin e Krishtere
Shtator 21, 2009
Shalom Media

Ne kushtet e krizes ekonomike globale, tema e investimeve eshte bere nje nga temat me popullore ne diskutime. Paketa investimesh qe pak vjet me pare dukeshin te forta e te sigurta, brenda nje kohe te shkurter u zhvleftesuan ne menyre drastike. Disa te ashtuquajtura “fisha blu” (kompani me financa shume te forta) papritur u katandisen me nje vlere me te vogel se sa vete fishat e lojes poker.

E pra! Shume prej ketyre investimeve ishin bere duke llogaritur qe prej tyre te merreshin fitime te aresyeshme. Ato ishin bazuar mbi performancen me te mire te kompanive dhe mbi begatine e qendrueshme qe ofronte tregu nderkombetar. Por edhe eksperte te njohur ne fushen e parashikimit ekonomik u kapen ne befasi…

Investime edhe tani mund te behen por, gjithsesi, ato nuk mund te bazohen me ne formulat e njohura. Po deshtuan per aresye te ndryshme, ato sjellin humbje te medha.

Te marrim si shembull super pasanikun qe zoteron kazinone, e cila u be teme e revistes televizive amerikane me titull “60 minuta”. Emisioni vuri ne qender te vet nje pikture qe miliarderi e kishte blere per shumen marramendese prej 139 milione dollaresh. Emisioni u mor me kete pikture jo per shkakun se ajo ishte shitur kaq shtrenjte, por per nje aresye tjeter. Piktura u be teme e emisionit sepse asaj iu krijua nje defekt shume i madh.

Ne intervisten e tij, pronari i kazinose tregoi se si gjate nje ekspozimi qe i kishte bere piktures pas blerjes, ai vete kishte bere nje veprim te pakontrolluar. I qeshur dhe plot krenari ai kishte drejtuar gishtin me vrull drejt kanavaces se kryevepres artistike, por, pa dashje, i kishte shpuar asaj nje vrime.

Perfytyroni se cfare tmerri dhe zhgenjimi pesoi ky njeri. Nje gafe e tij e castit dhe krejt e pavullneteshme ia kishte ulur menjehere vleren piktures me disa milione dollare . Mund te thuhet me plot gojen se vrima qe ai i kishte bere piktures tashme i qe hapur edhe atij vete ne zemer.

Shumica jone nuk ka per te pasur ndonjehere nje veper arti qe te kushtoje 139 milione dollare. Madje, nje gje e tille as qe na shkon neper mend. Por gjithshka eshte relative. Pavaresisht nga sasia e te ardhurave qe kemi, ne te gjithe rrezikojme qe te investojme parate – edhe shpirtin – ne gjera materiale qe mund te demtohen apo edhe te humbasin si makine, shepi, mobilje, pajisje elektronike te teknikes se fundit etj.

Bibla e trajton kete mendjelehtesi qe con ne vendosjen e ”plackes” si prioritet te jetes sone. Tek Mateu 6:19-21 Jezusi na meson, "Mos mblidh per vete thesare mbi toke, ku i brejne tenja dhe ndryshku, dhe ku vjedhesit shperthejne dhe vjedhin. Perkundrazi, mblidhni per vete thesare ne qiell ku as tenja as ndryshku nuk prishin dhe ku vjedhesit nuk shperthejne e nuk vjedhin. Sepse ku eshte thesari juaj do te jete edhe zemra juaj."

Ne kete varg Jezusi thekson se zemra jone shkon aty ku eshte investimi yne. Ne thelb, kjo do te thote se, nese nuk bejme kujdes, placka mund te behet perendia yne. Por Ai kurrsesi nuk thote se gjerat materiale jane krejtesisht te papranueshme. Tek Mateu 6:31-32 Jezusi ka thene, “Mos u shqetesoni, pra, kur thoni “Cfare do te hame ose cfare do te pime, ose me cfare do te vishemi?” …Ati juaj qiellor , pra, e di mire se ju keni nevoje per te gjitha keto gjera. Por, para se gjithash, kerkoni mbreterine e Perendise dhe drejtesine e Tij dhe te gjitha keto gjera do t’ju shtohen.”

Ku qendron pra morali i kesaj eseje?
Kur ben nje investim, degjo se c’te thote zemra. Investimet materiale kane rendesine e tyre, por ato edhe mund te zhduken. Investimet hyjnore nuk zhduken kurre. Kete na meson Jezusi.


Reflektim/Diskutim Pyetje

1. Po te kishe bere ti nje investim te ngjashem me ate te piktures shume milioneshe te pronarit te kazinose, si do te ishe ndjere sikur ajo te demtohej aksidentalisht?
2. Cfare mendon per thirrjen e Jezusit per te grumbulluar pasuri ne parajse? Perse e ka fjalen ai?
3. A di per ndonje investim (tendin apo te dikujt tjeter) qe nuk e ze ndryshku, nuk mund te vidhet apo te shkaterrohet? Po te beje nje inventar te investimeve te tua “qiellore”, cfare do te perfshije ne te?

SHENIM: Ne rast se e ke Biblen dhe deshiron te dish me tej per kete teme, lexo si me poshte:

Predikuesit 5:8-15; Marku 10:17-31; Lluka 16:10-13; 2 Korintasve 9:6-11; Filipianeve 4:19; 1 Timoteut 6:17

GJERAT QE I SHPREHIM PA FJALE

Nga: Robert J. Tamasy

MANNA E SE HENES
Sherbim per Komunitetin e Krishtere
Shtator 14, 2009
Shalom Media

Nje nga gjerat baze qe thuhet ne ciklin e leksioneve mbi komunikimin ne biznes qe une jap ne kolegj, eshte se vetem shtate perqind e nje komunikimi te caktuar behet nepermjet fjaleve. 93 perqindshi tjeter i ketij komunikimi realizohet jo nepermjet fjaleve qe shkembehen, por nepermjet kontaktit pamor, shprehjeve te fytyres, levizjeve te trupit, te duarve dhe toneve te zerit.

Edhe menyra se si i kemi organizuar sendet dhe letrat mbi tryezen e punes ne zyre flet shume mbi ne “Veprimet flasin me shume se fjalet.”

Duke komentuar mbi kete te vertete, Max DePree (Maks Deprii), autor dhe drejtues i njohur biznesi, thote: “ E shprehin apo nuk e shprehin me fjale, menyra se si sillen tregon shume per mentalitetin dhe vlerat morale te drejtueve ne fushen e biznesit”. Menyra se si ne i ndertojme dhe i mbajme gjalle mardheniet, se si reagojme fizikisht, se si komunikojme me te tjeret dhe, sidomos menyra se si u sherbejme te tjereve me produktet apo mendjen tone, flasin shume mbi ate cka ne jemi realisht.

Prej dekadash te tera eshte bere zakon qe firmat e biznesit te hartojne me shkrim dhe te paraqesin profilet, vizionet, misionet, qellimet dhe vlerat e tyre. Por shpesh ky lloj dokumentacioni, pasi shtypet e shperndahet heren e pare, arkivohet dhe pastaj harrohet. Ne dy firma me te cilat une kam punuar si konsulent kam vene re se jo vetem e kishin percaktuar qarte vizionin, misionin, qellimet dhe vlerat e tyre, por edhe i kishin afishuar ato dukshem neper mure per t’u pasur parasysh ne vazhdimesi nga punonjesit dhe nga vete drejtuesit.

Por edhe me i rendesishem se sa ky lloj afishimi eshte fakti qe shtabi drejtues kembengulte ne realizimin praktik te parimeve, vlerave e vizioneve qe kishte hartuar. Nga bisedat qe kam bere me punonjes, me anetare te drejtorise, me disa ish punonjes dhe me kliente te ketyre dy kompanive, kam vertetuar se keto te fundit (kompanite) bejne perpjekje aktive per t’ju permbajur atyre parimeve qe i kane percaktuar si udherrefyese.

Kjo me ben pershypje te mire sepse, sikunder thote nje thenie,”Fjalet nuk kushtojne.” Eshte kollaj te thuash se ti beson ne dicka, por eshte shume e veshtire ta vertetosh kete me vepra, sidomos ne rastet kur te jepet edhe mundesia e kompromisit. Bibla ka shume pasazhe qe i adresohen pikerisht rendesise se shoqerimit te fjaleve me vepra. Ja disa shembuj:

Fjalet tona – te mira apo te keqia – do t’u komunikohen te tjereve. Ne kushte stresi dhe preokupimi per te plotesuar detyra brenda afateve te caktuara, fjalet e nxituara e plot zemerim dalin lehte nga goja. Ne duhet te mesohemi t’i matim fjalet mire dhe t’i perdorim ato me kujdes duke pasur gjithmone parasysh se ato (fjalet tona) po u komunikohen te tjereve. “ dhe ato qe degjove nga une perpara shume deshmitareve jepua njerezve besnike qe do te jene te afte te mesojne edhe te tjere” (2 Timoteut 2:2).

Nese jemi drejues efektive ata qe na ndjekin pas do te krahasojne fjalet me veprat tona. Na pelqen ose jo, ne jemi te vezhguar. Ne japim shembullin qe duhet te ndjekin te tjeret. Thenia,”Bej si them une, por mos bej si bej une,” eshte e huaj per nje drejtues. “Ato gjera qe keni mesuar, marre dhe degjuar nga mua dhe pare ne mua, i beni… ” (Filipianeve 4:9).

Te pretendosh te behesh drejtues duhet te jesh ne gjendje te plotesosh standarte te larta kualifikimi. Bibla percakton standarte per pastoret ne kisha, por te njejtat principe jane te vlefshme edhe per drejtuesit ne fushen profesionale dhe te biznesit. “…Ne qofte se dikush deshiron te behet peshkop, ai deshiron nje pune fisnike. Duhet, pra, qe peshkopi te jete i patemete…i matur, i permbajtur,… dinjtoz…” (1 Timoteut 3:1-8).

Pra, nese kerkon te behesh udheheqes, ke detyrimin per te mos e ndare kurre fjalen nga vepra.


Reflektim/Diskutim Pyetje

• A e dije se nje perqindje kaq e madhe e komunikimit realizohet jo nepermjet shkembimit te fjaleve? Cfare domethenie ka kjo per ty ne pergjithesi, pavaresisht se cfare ben a ku punon?
• Sill nder mend shembuj te komunikimit jo-verbal qe ti i ve re ne jeten e perditeshme. Si mendon, ky lloj komunikimi (jo-verbal), i perforcon apo i dobeson mesazhet qe po komunikohen?
• Gjate nje dite pune te zakonshme, sa mjaftueshem i lidh ti fjalet me veprimet e tua. Cfare ndryshimi duhet te besh brenda vetes ne rast se konstaton se eshte e nevojshme qe fjalet e tua te perputhen me mire me veprimet qe ben?
• A pajtohesh me standartet e larta qe parashtrohen ne 1 Timoteut 1:3-8? Pse ose pse jo? (Krahaso kete pasazh me Titit 2:1-8.)

SHENIM : Nese e ke Biblen dhe do deshe te lexoje pasazhe te tjere ne lidhje me kete teme, shiko si me poshte:

Zanafilla 39:2-6; Jozueu 1:6-9; Fjale te Urta 13:16; Mateu 4:18-22; Titit 1:6-9

SI TE DALESH NGA RUTINA

Nga: Rick Warren

MANNA E SE HENES
Sherbim per Komunitetin e Krishtere
Shtator 07, 2009
Shalom Media

Eshte lehte qe te rutinizohesh ne pune – pra te vish rrotull ne te njejtin vend duke bere te njejtat gjera e duke menaxhuar te njejtat pergjegjesira. Kur gjen rehat me nje rutine te caktuar atehere ndryshimi i saj behet shume i veshtire sepse ai (ndryshimi) nenkupton aventure drejt te panjohures. Vecse rutinizimi eshte i rrezikshem. Ne lidhje me kete Humoristi Will Rogers (Uill Roxhers) thoshte, “Edhe kur je (me makine) ne korsine e duhur, po te qendrosh ne vend, me siguri qe do te te perplasin te tjeret!”

Po si ta gjesh shtytjen per te levizur vendit kur ndjen se je rutinizuar? Per shumicen e njerezve tre jane faktoret kryesore motivues per te ndermarre nje ndryshim, pavaresisht nese e duan apo nuk e duan ate.

DHIMBJA – Dhimbja, ne sejcilen nga format e saj te larmishme, na motivon per te kerkuar ndryshim. Shpesh ne detyrohemi te luajme vendit jo se shohim driten (e zjarrit), por se ndjejme nxehtesine (e tij).

PRESIONI – Ndjejme presion (psikologjik) kur mjeku na jep lajmin e ogurzi, “Ose bjer nga pesha 20 kile ose do te vdesesh”, ose kur shefi na thote, “Permireso cilesine e punes ndryshe je i pushuar.” Por ka nje problem me presionin si motivues. Ai nuk zgjat ne kohe. Kur presioni bie, pra kur problemi qe e ka shkaktuar ate gjen zgjidhje, motivimi prej tij merr fund. Gjithshka kthehet ne normalitet dhe jeta vazhdon si me pare.

LARGPAMESIA – Largpamesia realizohet kur ti je ne gjendje te shohesh tablone e plote te gjerave ose kur ke nje shtyse te fuqishme te brendeshme te shkaktuar nga nje vizion apo nje qellim. Largpamesia realizohet edhe ne momentin qe ti kupton se po i con dem aftesite e tua duke shperdoruar mjaft raste premtuese per karieren tende qe te jane shfaqur.

Por ne s’kemi pse presim qe te na vije motivimi per ndryshim si rezultat i dhimbjes, presionit apo largpamesise. Bibla na e thote qarte se kush pret per kushte ideale kurre s’ka per te bere gje. “Kush e ka mendjen te era nuk ka per te mbjelle dhe kush rri e shikon rete nuk ka per te korrur” (Predikuesit 11:4).

Ja kater hapa qe duhen ndjekur per te dale nga rutina:

1. Merr pergjegjesi per jeten tende: Mos u bej Shfajesues ndaj vetes (duke iu gjetur aresye gabimeve qe ben) ose Akuzues ndaj te tjereve (duke ia hedhur atyre fajin per gabimet e tua). Behu Zgjedhes dhe zgjidh te dalesh nga rutina ku ke hyre.
2. Beso se ti ke mundesi dhe aftesi: Mos thuaj me s’mundem, por fillo te thuash mundem. Po e bere kete, atehere edhe vete do te habitesh kur te shohesh se ti vertet mundesh.
3. Qartesohu per ate cka kerkon: Shkruaj me hollesi se cfare do qe te ndryshosh vete apo qe te ndryshohet nga te tjeret.
4. Mos prit per kushte ideale. Mos thuaj me, “keto dite, kur te qetesohen gjerat, do ta ndermarr ndryshimin”. “Ndermerre tani!” Shprehja “keto dite”, do te thote ne te vertete “asnje prej ketyre diteve”.

Reflektim/Diskutim Pyetje

1. Mendo nje cast per jeten. A je kapur diku ne ndonje fare rutine, duke bere po ato gjera, ne po ate menyre dhe duke menaxhuar po ato pergjegjesira, pa patur gjasa per ndryshim ne te ardhmen e parashikueshme? Nese po, a je i kenaqur nga kjo gjendje? Pse, ose pse jo?
2. Kur perballesh me nje ndryshim, cili eshte reagimi yt tipik – te frikeson, te ben qe t’i kundervihesh apo e mirepret dhe behesh pjese e tij? Shpjegoje sa me gjere pergjigjen.
3. Cili ka qene ndryshimi me rendesishem me te cilin je perballur kohet e fundit? Ishe ti iniciator apo u shkaktua nga faktore te tjere si psh. dhimbja apo presioni?
4. Sa te dobishme i quan kater hapat qe sygjeron Rick Warren drejt thyerjes se rutines. Cili prej tyre te duket me prane stilit dhe menyres tende ne rast se do te te duhet te ndryshosh dicka te rendesishme?

SHENIM: Po ta kesh Biblen, shiko edhe pasazhet si me poshte qe kane lidhje me kete teme:

1 Kronikave 12:32; Isaia 41:10; Jeremia 29:11; 2 Timoteu 1:7; Hebrejve 12:26-29