MANNA E SË HËNËS 15 Gusht, 2011
SHALOM MEDIA, TIRANË
Nga Robert D. Foster
Autori i thënieve të mëposhtme është i panjohur, megjithatë ato janë të vlefshme për çdo kohë. Lexoje me vëmendje secilën prej tyre dhe pastaj përtype e ripërtype duke u përpjekur ta adoptosh për situata të ndryshme në jetën tënde personale e profesionale:
- Ti nuk mund të dish gjatësinë e jetës tënde, por ti mund të kesh nën kontroll gjerësinë dhe thellësinë e saj.
- Ti nuk mund të kesh nën kontroll motin, por ti mund të mbash nën kontroll atmosferën morale që të rrethon.
- Ti nuk mund të ndikosh në mundësitë që i ofrohen dikujt tjetër, por ti mund të shfrytëzosh sa më mirë mundësitë që të ofrohen ty.
- Ti nuk ke kontroll mbi të ardhurat e mëdha që kanë shokët e tu, por ti mund të menaxhosh me zgjuarsi të ardhurat e tua modeste.
- Ti nuk ke se ç’bën për gabimet apo veset e shëmtuara të dikujt tjetër, por ti ke mundësinë që të mos zhvillosh në veten tënde qëndrime e sjellje që mund t’i bezdisin të tjerët.
- Ti nuk ndikon dot në fatkeqësitë natyrore si për shembull përmbytjet, por ti mund të krijosh rezerva për t’i përdorur në raste të tilla.
- Ti nuk je në gjëndje të ndikosh mbi distancën e kokës tënde nga toka (gjatësinë e trupit), por ti mund të ndikosh në cilësinë e mendimeve brenda saj.
Mos e prish gjakun për rrethana që ti nuk mund t’i ndryshosh dot. Përqendrohu në ato gjëra që ti je në gjendje t’i ndryshosh.
Autor i panjohur
Ja tani disa mendime të ngjashme, të cilat na i jep Perëndia në manualin e tij për jetën, në Bibël.
Së pari, Bibla na kujton:
"Përderisa Perëndia i drejton hapat tona, pse të mundohemi të kuptojmë gjithçka që na ndodh gjatë rrugës?" (Fjalë të Urta 20:24).
Dhe, së dyti, na siguron:
"Dhe ne e dimë se të gjitha gjërat bashkëveprojnë për mirë për ata që duan Perëndinë, për ata që janë thirrur sipas qëllimit të Tij" (Romakëve 8:28).
Marrë dhe adaptuar nga “Take Two on Monday Morning”, shkruar nga Robert D. Foster. Riprodhimi inkurajohet. Për pyetje ose komente shkruani në: 29555 Goose Creek Rd, Sedalia, CO 80135, U.S.A., fax: (303) 647-2315. Kohët e fundit Z. Foster festoi
ditëlindjen e tij të 91të.
CBMC INTERNATIONAL: President Robert Milligan
1065 N. 115th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Për pyetje ose kërkesa drejtohuni te: www.cbmcint.org
Reflektim / Diskutim, Pyetje
- A të ndodh shpesh që të shqetësohesh për gjëra që, në fakt, janë jashtë kontrollit tënd? Si ndikon kjo në gjëndjen tënde shpirtërore dhe në produktivitetin në punë?
- A mund të kujtosh ndonjë rast konkret kur të është dashur të konsumosh energji të mëdha mendore dhe emocionale për diçka që realisht ishte jashtë kontrollit dhe mundësive të tua?
- Cilat nga pikat e paraqitura në listën e Robert Foster-it, është më domethënëse për ty në kuptimin se aty ti ke mundësi të ndikosh? Shpjegoje përgjigjen
- Në fund citohen dy pasazhe nga Bibla që theksojnë faktin se gjithçka është nën kontrollin e Perëndisë. A të sigurojnë e të qetësojnë ato? A beson në çka thuhet aty? Pse, ose pse jo?
Nëse do të lexosh më tepër nga Bibla për këtë temë, shiko vargjet si më poshtë:
Psalme 37:4-7; Fjalë të Urta 3:5-6; Isaia 40:31, 41:10; Jeremia 29:11, 33:3; Filipianëve 4:6-8
0 komente:
Post a Comment